প্ৰতিমাহে ৮০ কোটিৰো অধিক ভাৰতীয়ই ৰেচন ব্যৱস্থাৰ জৰিয়তে চাউল আৰু ঘেঁহু প্ৰধান খাদ্য হিচাপে লাভ কৰে। ইতিমধ্যে মোডী চৰকাৰে ৰেচন ব্যৱস্থাক দুৰ্নীতিমুক্ত কৰাৰ বাবে কঠোৰ পদক্ষেপ গ্ৰহণ কৰিছে। আধাৰ-ৰেচন কাৰ্ডক আধাৰ কাৰ্ডৰ সৈতে সংযোগ কৰিবলৈ নিৰ্দেশ দিয়া হৈছে, যাতে ধনী লোকসকলে অবৈধভাৱে দুখীয়াৰ ন্যায্য ৰেচন উপভোগ কৰিব নোৱাৰে।
এই পদক্ষেপৰ মূল উদ্দেশ্য হৈছে এজন গ্ৰাহকৰ নামত একাধিক ৰেচন কাৰ্ড বাতিল কৰা। কিন্তু এতিয়াও বহুতে এই নিৰ্দেশনা মনা নাই। তেওঁলোকৰ বাবে অপেক্ষা কৰি আছে ডাঙৰ বিপদ। মাত্ৰ 2 দিন বাকী, তাৰ পিছত ৰেচনৰ খাদ্য পোৱা বন্ধ হৈ যাব ! অৰ্থাৎ ১ জানুৱাৰীৰ আগতে ৰেচন কাৰ্ডৰ এই কাম সম্পূৰ্ণ হ’ব লাগিব।
কেন্দ্ৰীয় খাদ্য যোগান মন্ত্ৰালয়ে ৰেচন কাৰ্ডৰ সৈতে আধাৰ নম্বৰ সংযোগ কৰাৰ অন্তিম দিন হিচাপে ৩১ ডিচেম্বৰলৈ সময় বৃদ্ধি কৰিছে। লিংকৰ কাম সম্পূৰ্ণ নহ’লে ১ জানুৱাৰীৰ পৰা আপোনাৰ ৰেচন কাৰ্ড বাতিল কৰা হ’ব। লগতে কোনো ধৰণৰ খাদ্য সামগ্ৰীও নাপাব।
কাৰ ৰেচন কাৰ্ড বাতিল হ’ব ?
কেন্দ্ৰীয় খাদ্য যোগান মন্ত্ৰালয়ে সমগ্ৰ দেশতে ‘এক গ্ৰাহক, এক ৰেচন’ নীতি ৰূপায়ণ কৰিবলৈ বিচাৰিছে। তাত কেন্দ্ৰৰ বিধি অনুসৰি কিছুমান বিশেষ শ্ৰেণীৰ লোকে নিজৰ প্ৰাপ্য অনুযায়ী ৰেচনৰ দোকানৰ পৰা খাদ্য শস্য সংগ্ৰহ কৰিব পাৰিব ।
কোনো ধৰণৰ প্ৰৱঞ্চনাৰ দ্বাৰা অতিৰিক্ত খাদ্য শস্য সংগ্ৰহ ৰোধ কৰিবলৈ চৰকাৰ বদ্ধপৰিকৰ। আৰু সেইবাবেই আধাৰ নম্বৰৰ লগত ৰেচন কাৰ্ড লিংক কৰাৰ কথা চৰ্চা হৈছে। ই সহজেই গম পাব এজন ব্যক্তিৰ নামত কিমান ৰেচন কাৰ্ড দিয়া হৈছে। তেনে ক্ষেত্ৰত অতিৰিক্ত ৰেচন কাৰ্ড বাতিল কৰাটো সহজ হ’ব।
কেন্দ্ৰীয় চৰকাৰে ঘোষণা কৰা অনুসৰি নিৰ্দিষ্ট সময়সীমাৰ ভিতৰত ৰেচন কাৰ্ডখন আধাৰ কাৰ্ডৰ সৈতে লিংক নকৰিলে ৰেচনৰ দোকানৰ পৰা খাদ্য শস্য আৰু নাপাব। তেনে ক্ষেত্ৰত আপোনাৰ আনলিংক ৰেচন কাৰ্ড ২০২৪ চনৰ ১ জানুৱাৰীৰ পৰা বন্ধ হৈ যাব।
