বৃহস্পতিবাৰৰ দিনটো ভগৱান বৃহস্পতি, শ্ৰীহৰি বিষ্ণু আৰু দেৱী লক্ষ্মীৰ নামত উচৰ্গা কৰা হয়। এই দিনটোত ভগৱান বিষ্ণু আৰু দেৱী লক্ষ্মীক একেলগে পূজা কৰিলে আকাংক্ষিত ফল পোৱা যায় বুলি ধৰ্মীয় বিশ্বাস আছে।
হিন্দু ধৰ্মত প্ৰতিটো দিনৰ এক বিশেষ তাৎপৰ্য আছে। সপ্তাহৰ প্ৰতিটো দিন কোনোবা নহয় কোনোবা দেৱ-দেৱীৰ নামত উৎসৰ্গা কৰা হয়। একেদৰে বৃহস্পতিবাৰৰ দিনটো ভগৱান বৃহস্পতি, শ্ৰীহৰি বিষ্ণু আৰু দেৱী লক্ষ্মীৰ নামত উচৰ্গা কৰা হয়। এই দিনটোত ভগৱান বিষ্ণু আৰু দেৱী লক্ষ্মীক একেলগে পূজা কৰিলে আকাংক্ষিত ফল পোৱা যায় বুলি ধৰ্মীয় বিশ্বাস আছে। অৱশ্যে, বৃহস্পতিবাৰে কোনো কাম কৰিব নালাগে বুলি বিবেচিত হৈছে।
ধৰ্মীয় বিশ্বাস অনুসৰি, এই দিনটোত এনেকুৱা কিবা এটা কৰিলে ভয়াৱহ পৰিণতি হ’ব পাৰে। দেৱী লক্ষ্মীৰ খং উঠিলে ঘৰত আৰ্থিক সংকটৰ সৃষ্টি হ’ব পাৰে। লগতে নেতিবাচক শক্তিয়ে ব্যক্তিজনক আগুৰি ধৰে। বৃহস্পতিবাৰে কি কৰিব নালাগে সেই বিষয়ে জানো আহক।
১. যদি কাৰোবাৰ ৰাশিফলত গুৰু দোষ আছে, তেন্তে বৃহস্পতিবাৰে সূৰ্য উদয়ৰ আগতেই উঠি গা ধুব লাগে। ইয়াৰ পিছত ভগৱান বিষ্ণুক সঠিকভাৱে পূজা কৰিব লাগে। বিষ্ণু সহস্ৰানাম পাঠ আৰু আৰতি কৰিলে গুৰুদোষ দূৰ হোৱাৰ লগতে জীৱনৰ ডাঙৰ সমস্যা দূৰ হয় বুলি বিশ্বাস কৰা হয়।
২. পুৰুষে বৃহস্পতিবাৰে চুলি-দাড়ি কাটিব নালাগে। সম্ভৱ হ’লে চুলিত শ্বেম্পু বা চাবোন লগোৱা পৰিহাৰ কৰিব লাগে। ইয়াৰোপৰিও নখ কটা পৰিহাৰ কৰিব লাগে। বৃহস্পতিবাৰে চুলি বা নখ কাটিলে বৃহস্পতি ৰাশিফলত দুৰ্বল হৈ পৰে। গতিকে কামত বহু ধৰণৰ বাধাৰ সন্মুখীন হ’বলগীয়া হয়। বিশ্বাস কৰা হয় যে, কিছুমান লোকে সন্তানৰ লগত জড়িত সমস্যাৰো সন্মুখীন হ’ব লগাত পৰে।
৩. জ্যোতিষৰ মতে বৃহস্পতিবাৰে কেতিয়াও আৱৰ্জনা বিক্ৰী কৰিব নালাগে। বৃহস্পতিবাৰে আৱৰ্জনা বিক্ৰী কৰিলে ঘৰৰ সুখ আৰু সমৃদ্ধি ধ্বংস হয় বুলি বিশ্বাস কৰা হয়। গুৰুৰ কু-প্ৰভাৱৰ বাবে পৰিয়ালৰ স্বাস্থ্যৰ অৱনতি ঘটে আৰু শিশুৰ শিক্ষাৰ ওপৰতো বিৰূপ প্ৰভাৱ পৰে।
৪. বৃহস্পতিবাৰে ধনৰ লেনদেন পৰিহাৰ কৰিব লাগে। এই দিনটোত কাকো ধন ঋণ বা ধাৰলৈ নিদিব। তেনে কৰিলে হয়তো আপোনাৰ ৰাশিফলত বৃহস্পতিৰ স্থান দুৰ্বল হৈ পৰিব। ইয়াৰ বাবে পৰিয়ালটোৱেও ধন সম্পৰ্কীয় সমস্যাৰ সন্মুখীন হ’বলগীয়া হয়।
ইয়াত দিয়া তথ্যসমূহ ধৰ্মীয় বিশ্বাসৰ ওপৰত ভিত্তি কৰি দিয়া হৈছে। ইয়াৰ কোনো বৈজ্ঞানিক প্ৰমাণ নাই। Notun Kisu ইয়াৰ নিশ্চয়তা নিদিয়ে। আপুনি বিশেষজ্ঞৰ পৰা পৰামৰ্শ ল’ব পাৰে।
